کرسام سرسبز

مار(مادر)

ته دسه هيمه و رَسِن بَوِرده / ته قدِ نشا و خرمن بَوِرده
اتا دم راحت دنيا نکردی/ ته عمر صحرا بتتن بَوِرده
لالالالا خسه تنِ بلاره / شه مار بویِ پيرهَنِ بلاره
ته مه گَره دايی توئه بلاره / ته شو مِسّه نَشی خوئه بلاره
مِسّه لالا خونِسّی تا صواحی / مِسّه داشتی آرزوئه بلاره
لالا دل دارنه ارمونه بلاره / بی ته دنيا مه زندونه بلاره
ته دوش مشته هيمه، من ته بلاره / ته دس پِره پينه، من ته بلاره
يا نشاء کردی يا مال په دئی / ته سر ا تن خسه، من ته بلاره
لالا چِش مَشته اسری بلاره / ته مه دنيای خشيه بلاره
افتاب ته دل گوشه نوونه / بهار ته دسه ونوشه نوونه
اگه دنيای خِشی مه بووشه / جان مار گرم کشه نوونه
لالالالا شه غمخواره بلاره / اسا ونه تن ناخاره بلاره

شاعر:شعبان نادری رجه